சுவையான செட்டிநாடு சிக்கன் குழம்பு ரெசிபி.!

சுவையான செட்டிநாடு சிக்கன் குழம்பு ரெசிபி.!

காரைக்குடி என்றாலே நம் கண்முன் வந்து நிற்பது செட்டிநாடு சமையல் தான். நாம் எவ்வளோ பெரிய ஃபைவ் ஸ்டார் உணவகங்களில் சென்று சாப்பிட்டாலும், செட்டிநாட்டு சமையலுக்கு ஈடாகாது. அதனாலேயே செட்டி நாடு சமையல் உலகளவில் பெயர் பெற்று நாடெங்கும் செட்டிநாடு ரெஸ்டாரெண்ட்கள் முளைத்து விட்டன. அவ்வளவு புகழ்பெற்ற உணவுகளை நம் வீடுகளிலும் சமைத்து பார்க்க வேண்டும் என்ற ஆசை இருக்கும். அவர்களுக்காகவே சுவையான செட்டிநாட்டு சிக்கன் குழம்பு எப்படி செய்வது என்பதைப் பார்க்கலாம்.

தேவையான பொருட்கள்:
சிக்கன் – 1/2 கிலோ, வெங்காயம் – 1, தக்காளி – 2, இஞ்சி பூண்டு விழுது – 1 டேபிள்ஸ்பூன், உப்பு+எண்ணெய் = தேவைக்கு, கெட்டி தேங்காய்ப் பால் – 1 கப், கறிவேப்பில்லை – சிறிது,
எண்ணெயில் வதக்கி அரைக்க:
சின்னவெங்காயம் – 20

வறுத்து பொடிக்க:
தனியா – 2 1/2 டேபிள்ஸ்பூன், காய்ந்த மிளகாய் – 10, மிளகு – 1 டீஸ்பூன், சீரகம் – 1 டீஸ்பூன், சோம்பு – 1 டீஸ்பூன், கசகசா – 1 டீஸ்பூன், கறிவேப்பில்லை – சிறிது, பட்டை – 1, சிறு துண்டுகிராம்பு – 5

செய்முறை:
வெங்காயம்+தக்காளியை நீளவாக்கில் அரியவும்.
சின்ன வெங்காயத்தை வதக்கி அரைக்கவும்.
வறுப்பதற்கு குறிப்பிடப்பட்டுள்ள பொருட்களை, எண்ணெய் விடாமல் வறுத்து பொடிக்கவும்.

குக்கரில் சுத்தம் செய்த சிக்கனை 1 கப் தண்ணீர் விட்டு சிறிது உப்பு சேர்த்து 2 விசில் வரும் வரை வேகவைத்து எடுக்கவும்.

பாத்திரத்தில் எண்ணெய் ஊற்றி வெங்காயம்+கரிவேப்பில்லை+இஞ்சி பூண்டு விழுது+தக்காளி ஒன்றன் பின் ஒன்றாக போட்டு வதக்கவும்.

பின் சின்ன வெங்காய விழுது+வறுத்தரைத்த பொடி +உப்பு சேர்த்து நன்கு கிளறவும்.

பச்சை வாசனை அடங்கியதும் வேக வைத்த தண்ணீரோடு சிக்கனை சேர்த்து 5 நிமிடம் கொதிக்க விடவும்.

கொதித்ததும் தேங்காய்ப் பாலை சேர்த்து 5 நிமிடம் கழித்து இறக்கினால் சுவையான செட்டிநாடு சிக்கன் குழம்பு தயார்.

Leave a Reply

Your email address will not be published. Required fields are marked *

Main Menu